Momenti i ndarjes nga jeta te mikut dhe artistit te mrekullueshem Aleko Prodani me gjeti te mos flisja por te shkruaja ato qe zemra perjetoi plot dhimbje ne 2 majin e 2006
VARGJE LAMTUMIRE
-mikut tim,A.Prodani-
Unë ende nuk e di,
e zgjodhe ti Majin,
Apo të zgjodhi ai
në këtë ikje pa kthim!?
Sidoqoftë,ti Korçës
ia pakësove ajrin,
Por edhe të qeshurën,miku im!
Unë ende nuk e di,
e zgjodhe ti mbrëmjen,
Apo të zgjodhi ajo-ty
që të marrë shkëlqim!?
Sidoqoftë,ti Korçën
e ke dhimbje tënden,
Por edhe dashuri
pa fund,pa fillim!
Unë ende nuk e di,
e zgjodhe ti vdekjen,
Apo të zgjodhi ajo
që të mburret më pas!?
Ti ishe i tillë
që edhe kur s’të qeshej,
E bëje gjithë Korçën
me buzë në gaz!
Unë ende nuk e di
si mund të të nxerrë
Kjo skenëz e vogël
ku Maji të la!?
Ti ke për të ikur prej saj
me patjetër,
Do të vish të na thuash
që bëre shaka!
E mërkurë,3 maj 2006
