Mbajti pezull frymën e publikut shqiptar në finalen e Eurovizionit, të mbajtur në Tel Aviv në Izrael, për faktin që publiku e votoi si fituesen e mundshme të festivalit.
Jonida Maliqi thyen më në fund heshtjen duke treguar eksperiencën e saj.
Në një postim në “Instagram”, këngëtarja e vlerëson shumë eksperiencën e saj në festival, të cilin e cilëson pa frikë si të mrekullueshëm.
Me këngën e saj “Ktheju tokës”, ajo arriti të kalojë në finalen e Eurovizionit duke përfaqësuar denjësisht vendin tonë. Deri në momente para finales, këngëtarja shqiptare ishte më e pëlqyera dhe më e votuara nga publiku.
Jonida Maliqi pas votimit u pozicionua në vendin e 18- të.
