Misto Zoto (1936-2016). Regjisor i teatrit. Lindi ne Korçe. Pasi mbaroi liceun artistik “Jordan Misja” per aktor (1952), vijoi deri ne vitin 1959, studimet universitare per regjisure teatri ne Institucionin Shteteror te Artit Teatror, GITIS (Gosudarstvjenij Institut Teatralnogo Iskusstvaj), ne Moske, ish-Bashkimi Sovjetik. Nisi pune si regjisor ne teatrin “Aleksander Moisiu” te Durresit.
Ka vene ne skene dramen Rrenje te thella, 1962, e Xhems Gou dhe Arnold Djuso; dramen Pulebardha, 1965, e A. Çehovit, ne te cilen u vu re trajtimi i thjeshte e njerezor, pa shmangur edhe alegorine e vepres nepermjet figures se pulebardhes, sidomos ne finalen e shfaqjes. Ne vitin 1967 vuri ne skene dramen Flamur ne stuhi e Besim Levonjes.
Shfaqja me e realizuar e M. Zotos ishte rivenia ne skene e drames Familja e peshkatarit, 1974 e Sulejman Pitarkes. Ideja regjisorjale beri objekt dhe theksoi enkas ne veper anen dramatike, herioke e monumentale te saj, permes njemendesimit te elementeve simbolike ne dekore, mizanskene, gjithashtu permes spikamave psikologjike.
Kjo u vu re edhe ne perbirimet qe u bene per te nxjere ne pah trazimin shpirteror te personazheve, veçmas te Jonuz Bruges, i cili u luajt mjeshterisht nga Naim Frasheri. M.Zoto ka punuar per shume vite si pedagog i “Mjeshterise se aktorit” ne Institutin e Larte te Arteve; gjithashtu, si kryetar i Deges Dramatike ne kete institut.
