Laert Vasili: Ali Pashë Tepelena, pengu i Bujar Lakos

0

 

 

Shfaqja e fundit e Bujar Lakos ka qenë në veprën e Ismail Kadare të vënë në skenë nga Laert Vasili, “Kush e solli Doruntinën”. Lako luante rolin e kryepeshkopit krah aktores së njohur Margarita Xhepa.

Regjisori dhe aktori Laert Vasili rrëfeu në një lidhje telefonike në Report TV pengun e fundit të aktorit Bujar Lako, i cili u nda nga jeta mëngjesin e sotëm.

Sipas Vasilit, Lakos i mbeti peng roli i Ali Pashë Tepelenës, për të cilin po bisedonte për ta vënë në jetë. Regjisori e cilësoi Bujar Lakon si patriarkun e skenës dhe ekranit shqiptar.

 

Zoti Vasili Përshëndetje. Ju keni bashkëpunuar pak muaj më parë me Lakon për pjesën “Kush e solli Doruntinën”. Pse e zgjodhët Bujar Lakon për rolin e kryepeshkopit.

Ndarja nga jeta e mjeshtrit Bujar Lako është një dhimbje e madhe për skenën e teatrit, kinematografinë shqiptare, miqtë e tij, e shqiptarëve që kanë parë filmat e tij. Kjo është arsyeja që zgjodha Bujar Lakon për rolin e kryepeshkopit tek ‘Doruntina’, pasi ai ishte patriarku i skenës shqiptare. Ai vazhdon të jetë patriarku i skenës së aktrimit shqiptar.

 

Pengu që Bujar Lako pati, që nuk e realizoi dot…

Një rol që Bujos i mbeti peng ishte roli i Ali Pashë Tepelena. Kemi qenë duke biseduar kohët e fundit për ta vënë në jetë këtë rol. Pengu i madh, është që Bujo u nis për t’u prehur mes engjëjve, ne na la pengun më të madh, sepse nuk është mes nesh. Pengu i madh është i joni sepse ai iku i plotë, por boshllëku që na la ne, është dhimbje e madhe, shumë e madhe.

 

 

SHARE

LEAVE A REPLY

Please enter your comment!
Please enter your name here