Ajo është këngëtare e muzikës sonë të lehtë e po aq edhe aktore e shquar e skenës së teatrit të dramës.E lindur në Shkodër në vitin 1951 që fëmijë ahfaqi talentin duke u aktivizuar në grupet artistike të shkollës dhe Shtëpisë së Pionierëve. Kreu Liceun Artistik “Jordan Misja” dhe Institutin e Arteve në degën e Artit Dramatik. Bëhte fjalë për Justina Alinë.
Mbas Festivalit të 11-të të Këngës në Radiotelevizion, e largojnë nga jeta artistike e kryeqytetit për të ardhur në Shkodër, ku i mundësojnë emërimin në Teatrin “Migjeni”. Falë aftësive të vokale e interpretuese, bëhet një ndër këngëtaret më te njohura.
Interpretoi një repertor këngësh të pasur e të larmishëm në shumë gjuhë të botës. Do të mbeten gjatë në kujtesën e spektatorëve interpretimet e Justinës në këngët “Unë dhe shokët e mi”, “Unaza”, “Jam një vajzë”, “Mall për vendlindjen”, “Xhaketa e kuqe” e shumë e shumë të tjera.
Sipas Marian Shestanit, mënyra e saj e të kënduarit përshkohet prej një patosi emocional të rrallë, prej një energjie të brendshme që transmetohej fuqishëm artistikisht, interpretim i rrallëndeshun ndër të tjerë.
Një njeri i letrave e ka quajtur “Njeri i lindun me këndue, por të cilën djajtë e kuq e shndërruen në njeri për të vuejtë”.
E kënduara e Justina Alisë ishte një miks mahnitës i talentit të saj, i ëmbëlsisë, i tonit të veçantë, por edhe i transmetimin përmes një interpretimi të rrallë, të një shqetësimi të brendshëm, të një revolte që vlonte në shpirtin e saj.
Emigroi dhe bëri një jetë të gjallë artistike edhe në SHBA, për të ardhur me dëshirë e kënaqësi të veçantë në vendlindjen e vet, tek ftohej në evente të rëndësishme të këngës sonë.
I rrallë për nga cilësia e niveli artistik ishte te Justina edhe interpretimi aktoresk. Luajti dhe u shqua në disa role dramash në Teatrin “Migjeni”.
Mbeti në kujtesë në rolin e Norës në dramën “Nora e Këmendit” e Andrea Skanjetit. Vitet e fundit ka luajtur edhe në Teatrin e Metropolit Tiranë. Në shfaqje kjo dedikuar asaj si një mirënjohje e virtytshme, mbushur plot me emocione, si një obligim moral e qytetar ndaj artises së madhe që dha aq shumë për artin e vendit të vet.
Artistja e madhe Justina Alia mbeti gjithmonë e thjeshtë, e dashur e me një dashuri të madhe për njerëzit e vendlindjen. Ajo është gjithnjë e respektuar dhe e vlerësuar artistikisht si një nga më të shquarat e historisë së këngës sonë të lehtë dhe të interpretimit aktoresk të teatrit shqiptar.
Për të gjithë ata që marrin shkrimet autentike nga faqja Aktorët Shqiptarë.info, dhe nuk citojne burimin do të paditen në gjykatë dhe pranë AKEP (Autoriteti i Komunikimeve Elektronike dhe Postare) për bllokimin e web-faqeve të tyre në territorin Shqiptar, në bazë të Nenit 80, Ligji 35/2016. Faleminderit për mirëkuptimin.
