Nata e dytë e Festivalit të 56-të në RTSH u hap nga Adi Krasta që shoqërohej nga Zhaklina Dhimojani, artistja që prej dekadash rri në kujtesën e shqiptarëve me një nga perlat e filmave shqiptarë për fëmijë “Mimoza Llastica”.
Zhaklina Dhimojani u kthye pas shumë vitesh në një skenë shqiptare. Aktorja e rolit ikonë të Mimoza Llasticës s’kishte humbur asnjë nga llastimet kur u ngjit në skenën e Festivalit të Këngës, për të prezantuar një prej këngëve të gjysmë-finales së dytë.
Drejtuesi i festivalit, Adi Krasta, e komplimentoi për pamjen e saj të mrekullueshme gjithë sharm e cila para kameras qendronte si të kish lindur për të qenë aty.
Zhaklina erdhi nga Zvicra për të qenë një prej të ftuarve specialë që prezantojnë këngët gjatë fazës gjysmë-finale të Festivalit të Këngës. Bëri një rrotullim dhe më pas, vuri syzet, që i shkonin shumë, siç duket i mban gjatë punës së saj të përditshme në Bern të Zvicrës, ku jeton me familjen.
Tani, ajo mban mbiemrin e bashkëshortit, Stefan Blättler.
